पार्टी एकता जोगाउन अधिकतम लचक हुन तयार छौं : विमलेन्द्र निधि

News Summary

Generated by OK AI. Editorially reviewed.

नेपाली कांग्रेसका नेता विमलेन्द्र निधिले पार्टी एकता जोगाउन अधिकतम लचक हुन तयार रहेको बताएका छन्।
केन्द्रीय समितिको बैठकका लागि पार्टी केन्द्रीय कार्यालय सानेपामा नेता निधि र अन्य नेताहरू छलफलमा छन्।
विशेष महाधिवेशन पक्षधर गगनकुमार थापा र विश्वप्रकाश शर्मा केन्द्रीय समिति बैठकमा सहभागी हुने छैनन्।

२९ पुस, काठमाडौँ । नेपाली कांग्रेसका नेता विमलेन्द्र निधिले पार्टी एकता जोगाउन आफूहरू अधिकतम लचक हुन तयार रहेको बताएका छन् ।

केन्द्रीय समितिको बैठकका लागि पार्टी केन्द्रीय कार्यालय सानेपा पुगेका निधिले विशेष महाधिवेशनपक्षधरको निर्णयको पर्खिरहेको र पार्टी जोगाउनुपर्छ भनेर छलफल गरिरहेकोब ताएका हुन् ।

उनले भने, ‘हामी अधिकतम लचकता अपनाउने गरी केन्द्रीय कार्यालयमा कुरिरहेका छौँ । वार्ता टोलीले ब्रिफिङ गरेपछि उपयुक्त निर्णय गर्नेछौँ ।’

दिउँसो १ बजेका लागि भनेर डाकिएको केन्द्रीय समिति बैठक अझै सुरु भएको छैन ।

नेताहरू कार्यवाहक सभापति पूर्णबहादुर खड्का, शेखर कोइराला, निधि, कृष्णप्रसाद सिटौलासहितका नेताहरू छलफलमा छन् । केन्द्रीय सदस्यहरू भने शीर्ष नेतालाई कुरेर बसिरहेका छन् ।

आजको बैठकमा विशेष महाधिवेशन पक्षधर महामन्त्रीद्वय गगनकुमार थापा र विश्वप्रकाश शर्मासहितका नेताहरू केन्द्रीय समिति बैठकमा सहभागी हुनेछैनन् ।