‘परिवर्तन सानै कुराबाट सुरु हुन्छ’ भन्दै इस्टुले गरिन् पार्क सरसफाइ

News Summary

Generated by OK AI. Editorially reviewed.

इस्टु कार्कीले १२ जनवरीमा चिसो मौसमको पर्वाह नगरी हट फोटो सेयर गरेकी थिइन् जसले सामाजिक सञ्जालमा चर्चा बटुलेको छ।
मंगलबार उनले सहयोगीनगरस्थित पार्क सरसफाइ गरेको फोटो र भिडियो पोस्ट गर्दै 'परिवर्तन आफैबाट सुरुवात हुन्छ' भनिन्।
इस्टुको सरसफाइ कार्यलाई सामाजिक सञ्जालमा प्रशंसा मिलिरहेको छ र उनले 'सानो प्रयास, ठूलो आत्मसन्तुष्टि' भनेकी छन्।

काठमाडौं । इस्टु कार्की अहिलेकी चर्चित कन्टेन्ट क्रिएटर हुन् । उनको करिअर सुरुआत चाहिँ अभिनयदेखि सुरु भएको थियो । सामाजिक सञ्जालमा गर्ने विभिन्न पोस्टमार्फत उनी चर्चामा आइरहन्छिन् ।

कहिले पर्यटन प्रवर्धनको लागि भन्दै घुमघामका फोटो हाल्छिन्, कहिले हट फोटोहरू । जे भएपनि उनी सामाजिक सञ्जाल प्रयोगकर्ताको नजरमा रहिरहन्छिन् ।

१२ जनवरीमा उनले गरेको पोस्टले चर्चा बटुलेको थियो । चिसो मौसमको पर्वाह नगरि उनले हट फोटो सेयर गरेकी थिइन् । सामाजिक सञ्जालमा यो फोटोबारे चर्चा भयो ।

मंगलबार उनले सहयोगीनगरस्थित पार्क सरसफाइ गरेको फोटो र भिडियो पोस्ट गर्दै प्रशंसा बटुलेकी छिन् । ‘परिवर्तन आफैबाट सुरुवात हुन्छ । आजैबाट सुरु गरौं’ भन्दै उनले रिल्स सेयर गरेकी छन् ।

‘सानो प्रयास, ठूलो आत्मसन्तुष्टि । शनिबार हामीले सहयोगीनगरस्थित शान्ति बाटिका सरसफाइ गर्‍यौं’ भन्दै उनले सरसफाइका फोटो सेयर गरेकी छन् ।

इस्टुको यो कार्यलाई सामाजिक सञ्जालमा प्रशंसा मिलिरहेको छ ।