चुनावी रिपोर्ट पठाउन जसपा नेपालको सर्कुलर

News Summary

Generated by OK AI. Editorially reviewed.

जनता समाजवादी पार्टीले प्रतिनिधि सभा सदस्य निर्वाचनको समीक्षा प्रतिवेदन पठाउन सर्कुलर जारी गरेको छ।
पार्टी अध्यक्ष उपेन्द्र यादवले विभिन्न तहका समितिलाई लिखित समीक्षा प्रतिवेदन पठाउन निर्देशन दिनुभएको छ।
चैत्र २० गतेभित्र सबै समीक्षा प्रतिवेदन पार्टी केन्द्रीय कार्यालयमा पठाइसक्नुपर्ने व्यवस्था गरिएको छ।

६ चैत, काठमाडौं । जनता समाजवादी पार्टी (जसपा) नेपालले प्रतिनिधि सभा सदस्य निर्वाचनको समीक्षा प्रतिवेदन पठाउन सर्कुलर जारी गरेको छ ।

पार्टी अध्यक्ष उपेन्द्र यादवले शुक्रबार वडा, पालिका, निर्वाचन क्षेत्र समन्वय समिति, जिल्ला समिति, राष्ट्रिय समिति र प्रदेश समितिहरुले आ–आफ्नो क्षेत्र र तहको निर्वाचनसम्बन्धी समीक्षा बैठक राखी छलफल र चुनावी विश्लेषण तथा समीक्षा गरी लिखित प्रतिवेदन पठाउन पार्टी मातहत समितिलाई सर्कुलर जारी गरेको सो पार्टीका नेता पूर्ण बस्नेतले जानकारी दिए ।

चुनावी प्रतिवेदन पार्टी समिति र पार्टीका उम्मेदवारहरुले समेत आफ्नो छुट्टै समीक्षा प्रतिवेदन वा चुनावी रिपोर्ट पठाउनसक्ने बस्नेतले बताए ।

चैत्र २० गतेभित्र चुनावी प्रतिवेदन पार्टी केन्द्रीय कार्यालयमा पठाइसक्नुपर्ने गरी निर्देशन जारी गरिएको बताइएको छ ।