जाँचबुझ आयोगले भन्यो : डिस्कर्डमा पेट्रोल बम निर्माण गर्ने छलफल भएको थियो

News Summary

Generated by OK AI. Editorially reviewed.

जेनजी आन्दोलनका घटनाको अनुसन्धानका लागि गठित उच्चस्तरीय आयोगले पेट्रोल बम निर्माण गर्ने विषयमा आन्दोलनरत पक्षले छलफल गरेको पत्ता लगाएको छ।
प्रतिवेदनअनुसार, डिस्कर्ड नामक सञ्जालका विभिन्न ग्रुपहरूमा मोलोटोभ कक्टेल निर्माण, तोडफोड, लुटपाट र आगजनी गर्ने धारणा फैलाइएको थियो।
भदौ २२ गते आयोजकहरूले प्रहरीलाई पेट्रोल बम निर्माण र अराजक गतिविधि रोक्न खबर गरेको र साइबर ब्युरोलाई अनुरोध गरेको आयोगले उल्लेख गरेको छ।

११ चैत, काठमाडौं । भदौ २३ र २४ गतेको जेनजी आन्दोलनमा पेट्रोल बम निर्माण गर्ने विषयमा आन्दोलनरत पक्षले छलफल गरेको पाइएको छ । जेनजी आन्दोलनका घटना जाँचबुझका लागि गठित उच्चस्तरीय आयोगले तयार पारेको प्रतिवेदनमा यसबारे खुलाएको हो ।

‘डिस्कर्ड नाम गरेका विभिन्न सञ्जालको पनि विभिन्न ग्रुपहरू थिए । तीमध्येको एउटा डिस्कर्ड ग्रुपमा अराजक गतिविधि मोलोटोभ कक्टेल ( पेट्रोल बम) निर्माण गर्ने, तोडफोड, लुटपाट र आगजनी गर्न सक्नेजस्ता धारणा प्रेसित गरिएको थियो’ प्रतिवेदनमा उल्लेख छ ।

भदौ २३ गतेका आयोजकहरूले यसबारे थाहा पाएको र प्रदर्शनअघि (भदौ २२ गते) नै प्रहरीलाई खबर गरेको प्रतिवेदनमा उल्लेख छ ।

‘…प्रहरीलाई खबर गरेको र सो रोक्न/हटाउन साइबल ब्युरोलाई अनुरोधसमेत गरेको भनी केही आयोजकमध्ये आयोगसमक्ष सुधन गुरुङले आफ्नो कुरा व्यक्त गरेका छन्’ प्रतिवेदनमा थप उल्लेख छ ।