काठमाडौंमा सेतो मच्छेन्द्रनाथको रथयात्रा सुरु (तस्वीरहरू)

News Summary

Generated by OK AI. Editorially reviewed.

काठमाडौंको तीनधारा पाठशालाबाट चैत्र शुक्ल अष्टमीदेखि दशमीसम्म सेतो मच्छेन्द्रनाथको रथयात्रा सुरु भएको छ।
पहिलो दिन रथ तीनधाराबाट असन पुर्‍याइएको छ र असनमा पूजा-आराधना गरिनेछ।
रथयात्रा भोलि वसन्तपुरस्थित कालभैरवअघि लगिने र मच्छेन्द्रबहालमा समापन हुने छ।

१२ चैत, काठमाडौं । काठमाडौंको तीनधारा पाठशालाबाट बिहीबार साँझ सेतो मच्छेन्द्रनाथको रथयात्रा निकालिएको छ । प्रत्येक वर्ष चैत्र शुक्ल अष्टमीदेखि दशमीसम्म राजधानीमा सेतो मच्छेन्द्रनाथको रथयात्रा गरिन्छ ।

पहिलो दिन आज रथ तीनधाराबाट असन पुर्‍याइएको छ । असनमा रथको पूजा-आराधना गरिनेछ । सहरको भित्री भागमा आज, भोलि र पर्सीगरी तीन दिनसम्म रथयात्रा चल्नेछ ।

असनबाट अब रथ दोस्रो दिन अर्थात् भोलि वसन्तपुरस्थित कालभैरवअघि लगिन्छ । वसन्तपुर, जैसीदेवल, लगन हुँदै पुन: रथयात्रा मच्छेन्द्रबहालमा ल्याएर समापन हुनेछ ।

यसअघि तीनधारा पाठशालाअघि ३२ हात लामो रथ बनाइएको थियो । यो रथलाई नागराजको प्रतीक मानिन्छ । प्रत्येक वर्ष यो जात्रा गरेपछि वर्षा र सह हुने धार्मिक विश्वास छ ।

राजधानीमा सेतो मच्छेन्द्रनाथको रथयात्रा सकेपछि रातो मच्छेन्द्रनाथको रथयात्रा हुन्छ ।

तस्वीरहरू :