News Summary
Generated by OK AI. Editorially reviewed.- सिंहदरबारस्थित प्रधानमन्त्री कार्यालयमा मन्त्रिपरिषद् बैठकअघि सञ्चारकर्मीलाई भिडियो खिच्न रोक लगाइएको छ।
- प्रधानमन्त्री बालेन शाहले बाहिरबाट भिडियो खिचिरहेका पत्रकारप्रति असन्तुष्टि व्यक्त गरेपछि सुरक्षाकर्मीहरूले सञ्चारकर्मीलाई तत्काल निस्कन र दृश्य सङ्कलन नगर्न आदेश दिएका थिए ।
२१ वैशाख, काठमाडौं । सिंहदरबारस्थित प्रधानमन्त्री तथा मन्त्रिपरिषद्को कार्यालयमा मन्त्रिपरिषद् बैठक शुरु हुनुअघि सञ्चारकर्मीहरूलाई दृश्य सङ्कलन (भिडियो खिच्न) मा अवरोध पुर्याइएको छ ।
कार्यालय बाहिरबाट भिडियो खिचिरहेका सञ्चारकर्मीहरूलाई प्रधानमन्त्री बालेन शाहले रोक्न निर्देशन दिएपछि सुरक्षाकर्मीले कडाइ गरेका हुन् ।
मन्त्रिपरिषद् बैठकमा सहभागी हुन पुगेका प्रधानमन्त्री शाहले बाहिरबाट भिडियो खिचिरहेका पत्रकारहरूतर्फ सङ्केत गर्दै सुरक्षाकर्मीहरूसँग असन्तुष्टि व्यक्त गरेका थिए ।
प्रधानमन्त्री कार्यालयभित्र प्रवेश गरेलगत्तै त्यहाँ तैनाथ सुरक्षाकर्मीहरूले बाहिर रहेका भिडियो पत्रकारहरूलाई सो स्थानबाट तत्काल निस्कन र दृश्य सङ्कलन नगर्न आदेश दिएका थिए ।
प्रधानमन्त्री कार्यालयले भने पत्रकारलाई सूचना संकलनमा अवरोध नपुर्याइएको, बरु प्रधानमन्त्रीको कारकेडलाई पछ्याउँदै आउने गाडीबारे प्रधानमन्त्री बालेन शाह स्वयंले चासो राख्न पुग्दा अलमलजस्तो देखिन गएको स्पष्टीकरण दिएको छ ।
‘पत्रकारलाई रोक्ने कुनै नीति छैन, पछिल्लो गाडीबारे बुझ्न खोजिएको मात्र हो,’ प्रेस संयोजक दीपा दाहालले अनलाइनखबरसँग भनिन्, ‘भोलिका दिनमा अझै चुस्त वातावरण बनाउँछौं । पत्रकारका लागि अवरोध हुने छैन ।’
समाचार अपडेट गरिएको । न्युज एजेन्सी नेपालको सहयोगमा ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4