२७ जेठ, विराटनगर । राष्ट्रिय स्वतन्त्र पार्टी (रास्वपा)को कोशी प्रदेश सभापतिका लागि चार जना मात्रै चुनावी प्रतिस्पर्धामा उत्रिएका छन् । मोरङको बिराटचोकमा जारी पहिलो प्रदेश अधिवेशनमा सात जनाले सभापतिका लागि मनोनयन दर्ता गरेका थिए । तीन जनाले उम्मेदवारी फिर्ता लिएपछि चार जना मात्रै चुनावी प्रतिस्पर्धामा उत्रिएका हुन् ।
निर्वाचन समितिका अनुसार प्रदेश सभापतिमा सुनसरीकी निर्वतमान कार्यवहाक सभापति गोमा तामाङ, झापाका चन्द्रकुमार गौली (निरज), तेह्रथुमका डाक्टर खगेन्द्र कटुवाल र मोरङका चन्द्रबहादुर राई उम्मेदवार छन् । प्रदेश सदस्यहरुमा ६९ जनाले उम्मेदवारी दर्ता गरेका छन् ।
सदस्यबाट निर्वाचित मध्येबाट पार्टीको उपसभापति १, प्रदेश महामन्त्री १ र सहमहामन्त्री २ जना छनोट गरिनेछ । सदस्यहरूबाट सर्वसम्मत छनोट हुन नसके निर्वाचन हुनेछ । नयाँ नेतृत्वका लागि आजै मतदान हुनेछ ।
रास्वपाले प्रदेश सभापति पदमा उम्मेदवारी दिनका लागि २१ हजार रुपैयाँ शुल्क तोकेको छ । प्रदेश उपसभापति, महामन्त्री र सहमहामन्त्री पदका लागि मनोनयन शुल्क १७ हजार ५ सय रुपैयाँ तोकेको छ । प्रदेश सदस्य पदको उम्मेदवारीका लागि १० हजार रुपैयाँ शुल्क तोकेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4