मुक्तिनाथ विकास बैंकद्वारा प्रहरीलाई आवश्यक सामग्री हस्तान्तरण

News Summary

Generated by OK AI. Editorially reviewed.

मुक्तिनाथ विकास बैंकले संस्थागत सामाजिक उत्तरदायित्वअन्तर्गत विभिन्न जिल्लाका प्रहरी कार्यालयहरूलाई कार्यालय सामग्री तथा सचेतनामूलक बोर्ड सहयोग गरेको छ ।
बैंकले घोराही, धादिङ, काँकरभिट्टा र बाँकेको साईगाउँ प्रहरी चौकीलाई कम्प्युटर तथा फर्निचर हस्तान्तरण गरेको छ ।

१ असार, काठमाडौं । मुक्तिनाथ विकास बैंकले समुदायको सुरक्षा तथा सार्वजनिक सेवा प्रवाहलाई थप प्रभावकारी र सहज बनाउन विभिन्न जिल्लाका प्रहरी कार्यालय, इलाका प्रहरी तथा ट्राफिक प्रहरी कार्यालयलाई आवश्यक सामग्रीहरु सहयोग गरेको छ । संस्थागत सामाजिक उत्तरदायित्वअन्तर्गत सहयोग गरिएको बैंकले जनाएको छ ।

बैंकले जिल्ला प्रहरी कार्यालय घोराही, जिल्ला प्रहरी कार्यालय धादिङ, बाँके जिल्लाको साईगाउँ प्रहरी चौकी र जिल्ला प्रहरी कार्यालय काँकरभिट्टा लाई कम्प्युटर, फर्निचर तथा कार्यालय सामग्री हस्तान्तरण गरेको छ ।

साथै ट्राफिक जिल्ला प्रहरी कार्यालय गुलरियालाई रोड डिभाइडर, सचेतामूलक बोर्ड सहयोग गरेको छ । उक्त सहयोगले प्रहरी कार्यालयको प्रशासनिक कार्यसम्पादन, अभिलेख व्यवस्थापन तथा सेवा प्रवाहलाई थप व्यवस्थित र प्रभावकारी बनाउन सहयोग पुग्ने बैंकको भनाइ छ ।

स्थानीय आवश्यकता र समुदायको हितलाई केन्द्रमा राखेर सञ्चालन गरिएका यस्ता कार्यक्रममार्फत बैंकले सामाजिक विकास, सुशासन तथा सार्वजनिक संस्थाहरूको क्षमता अभिवृद्धिमा योगदान पुर्‍याउँदै आएको छ ।