१४ भदौ, काठमाडौं । नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (नाइमा) ले रसुवा भोटेकोशी नदीमा आएको भीषण बाढीबाट प्रभावितको राहत तथा पुनर्स्थापनाका लागि ५० लाख रुपैयाँ आर्थिक सहयोग गर्ने घोषणा गरेको छ ।
नाइमाले उक्त रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो ।
बाढीबाट भएको मानवीय तथा भौतिक क्षतिप्रति दु:ख व्यक्त गर्दै नाइमाले विपद् सुरुवातदेखि नै आफ्ना सदस्य कम्पनीले आर्थिक, यातायात तथा लजिस्टिक जस्ता माध्यमबाट उद्धार र राहत कार्यमा सक्रिय योगदान पुर्याउँदै आएको जनाएको छ ।
विपद्को यो घडीमा सरकार र प्रभावित नागरिकलाई सहयोग गर्नु निजी क्षेत्रको पनि साझा दायित्व भएको नाइमा अध्यक्ष ऋतु सिंह वैद्यले बताइन् ।
‘यस्तो कठिन समयमा सरकार, निजी क्षेत्र र समुदायबीचको सहकार्यले नै राहत तथा पुनर्स्थापना प्रभावकारी बनाउन सक्छ,’ वैद्यले भनिन्, ‘सहयोग र सहकार्यका लागि तत्परता देखाउनुभएका सम्पूर्ण सदस्य कम्पनीप्रति धन्यवाद छ ।’
नाइमाले आफ्नो स्थापनाकालदेखि नै विपद् तथा आपतकालीन अवस्थामा सरकार र प्रभावित समुदायलाई निरन्तर सहयोग गर्दै आएको स्मरण गराएको छ ।
संस्थाले ज्यान गुमाउनेप्रति श्रद्धाञ्जली व्यक्त गर्दै शोकसन्तप्त परिवारजनमा समवेदना र घाइतेहरूको शीघ्र स्वास्थ्यलाभको कामना गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4