३० भदौ, सिरहा । सिरहाको गोलबजार नगरपालिका–१३ दुर्गापुरमा मोटरसाइकलको ठक्करबाट ७ वर्षीय बालकको मृत्यु भएको छ।
मंगलबार बिहान करिब ८ बजे दुर्गापुरस्थित लक्ष्मी मन्दिर नजिकै बाटो काट्ने क्रममा स्थानीय रामदयाल यादवका छोरा आयनस यादवलाई गोलबजारबाट दुर्गापुरतर्फ जाँदै गरेको प्र.२–०१–००१ प ६८५६ नम्बरको मोटरसाइकलले ठक्कर दिएको प्रहरीले जनाएको छ।
दुर्घटनामा शरीरका विभिन्न भागमा चोट लागेका बालकलाई उपचारका लागि लाइफ लङ हेल्थ केयर गोलबजार लगिएको थियो। अस्पतालमा चिकित्सकले इसिजी जाँच गरी बिहान ८:३० बजे मृत घोषणा गरेको जिल्ला प्रहरी कार्यालय सिरहाका प्रहरी निरीक्षक तथा निमित्त प्रवक्ता नरेश लिम्बुले जानकारी दिए।
प्रहरी निरीक्षक लिम्बुका अनुसार दुर्घटनापछि मोटरसाइकल घटनास्थलमै रहे पनि चालक भने फरार भएका छन्। चालकको नाम, थर र ठेगाना तत्काल खुल्न नसकेको प्रहरीले जनाएको छ।
चालकको खोजी तथा पहिचानका लागि प्रहरी परिचालन गरिएको छ । घटनाबारे थप अनुसन्धानका लागि इलाका प्रहरी कार्यालय गोलबजारका प्रहरी निरीक्षक दीपक खरेलको कमाण्डमा सात जनाको प्रहरी टोली घटनास्थलमा खटिएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4