२०८३ असोज ७ गते ८:०७ 
News Summary
Generated by OK AI. Editorially reviewed.- एसियाली खेलकुदको टेबलटेनिस मिक्स्ड डबल्समा रुबिन महर्जन र इभाना थापाको जोडी हङकङका यिउ क्वान टो र एनजी विङ लामसँग ३–० ले पराजित भएर बाहिरियो ।
- टोयोटास्थित स्काइ हलमा मंगलबार भएको खेलमा हङकङले ११–२, ११–६ र ११–७ ले सोझो सेट जित्दै अन्तिम १६ मा स्थान बनायो ।
- रुबिन र इभानाको जोडीले यसअघि पाकिस्तानका मोहम्मद खान र कलसुम खानलाई ३–० ले हराएर दोस्रो चरणमा प्रवेश गरेको थियो ।
- महिला सिंगल्समा इभानाले आजै प्रतिस्पर्धा गर्नेछिन् भने उनले नविता श्रेष्ठसँग वुमन्स डबल्समा बिहीबार खेल्नेछिन् ।
७ असोज, काठमाडौं । जापानमा जारी २०औं एसियाली खेलकुदअन्तर्गत टेबलटेनिसको मिक्स्ड डबल्समा नेपालका रुबिन महर्जन र इभाना थापाको जोडी दोस्रो चरणबाट बाहिरिएको छ ।
जापानको टोयोटास्थित स्काइ हलमा मंगलबार भएको खेलमा नेपाली जोडी हङकङका यिउ क्वान टो र एनजी विङ लामसँग ३–० को सोझो सेटमा पराजित भयो ।
हङकङको जोडीले खेल ११–२, ११–६ र ११–७ ले आफ्नो पक्षमा पार्दै अन्तिम १६ मा स्थान बनायो ।
रुबिन र इभानाको जोडीले मंगलबार पाकिस्तानका मोहम्मद खान र कलसुम खानको जोडीलाई ३–० को सोझो सेटमा पराजित गर्दै दोस्रो चरणमा प्रवेश गरेका थिए ।
टेबलटेनिसको महिला सिंगल्समा आजै दिउँसो इभानाले प्रतिस्पर्धा गर्दै छिन् भने इभाना र नविता श्रेष्ठको जोडीले वुमन्स डबल्समा बिहीबार प्रतिस्पर्धा गर्नेछन् ।
प्रतिक्रिया 4