२०८३ असोज ७ गते ११:२६ 
News Summary
Generated by OK AI. Editorially reviewed.- जापानमा जारी २०औं एसियाली खेलकुदमा नेपालले पहिलो पदक जितेको छ ।
- करातेका तेन्जिङ शेर्पाले पुरुष कुमिते ८४ केजीभन्दा माथि तौल समूहमा कास्य पदक जितेका हुन् ।
- तेन्जिङले कास्यका लागि भएको खेलमा लाओसका वाथाना जायासनलाई ९–१ ले पराजित गरे ।
७ असोज, काठमाडौं । जापानमा जारी २०औं एसियाली खेलकुदमा नेपालले पहिलो पदक जितेको छ । करातेका तेन्जिङ शेर्पाले पुरुष कुमिते ८४ केजीभन्दा माथिको तौल समूहमा कास्य पदक जितेका हुन् ।
टोयाहाशी जिम्नेसियममा बुधबार भएको सेमिफाइनलमा तेन्जिङ इरानका महमुद नेमातीसँग ५–० ले पराजित भएका थिए । सेमिफाइनलमा पराजित भएपछि उनले कास्य पदकका लागि प्रतिस्पर्धा गरेका थिए ।
कास्य पदकका लागि भएको खेलमा तेन्जिङले लाओसका वाथाना जायासनलाई ९–१ ले पराजित गरे । तेन्जिङले युकोबाट ६ अंक र इप्पोनबाट ३ अंक जोडे ।
यसअघि क्वाटरफाइनलमा तेन्जिङ मकाउका खेलाडी विरुद्ध १-० ले पछाडि रहँदा विपक्षीले गरेको गल्तीका कारण तेन्जिङ विजेता तोकिएका थिए ।
यससँगै जारी एसियाली खेलकुदमा नेपालको पदक खाता खुलेको छ ।
प्रतिक्रिया 4