News Summary
Generated by OK AI. Editorially reviewed.- प्रदर्शन तयारीमा रहेको फिल्म ‘१२ गाउँ २’ को एक्सन दृश्यले भरिएको टिजर युट्युबमा सार्वजनिक भएको छ ।
- झन्डै २ मिनेटको टिजरमा विराज भट्ट र समीर भट्टलाई केन्द्रमा राखिएको छ भने अनुपविक्रम शाहीको संक्षिप्त झलक मात्र छ ।
- सरस्वती भट्ट निर्मातृ रहेको फिल्म दशैंको अवसरमा ३० असोजदेखि देशव्यापी प्रदर्शनमा आउँदै छ ।
काठमाडौँ । प्रदर्शन तयारीमा रहेको फिल्म ‘१२ गाउँ २’ को टिजर युट्युबमा सार्वजनिक भएको छ । एक्सन दृश्यले भरिपूर्ण यो टिजरले कथावस्तुबारे भने उति खुलाएको छैन ।
समग्रमा झन्डै २ मिनेटको यो टिजर विराज भट्ट भर्सेस समीर भट्ट हो । यी दुईलाई केन्द्रमा राखेर टिजर बनाइएको छ । शीर्ष भिलेन बताएका अनुपविक्रम शाहीको संक्षिप्त झलक मात्र यसमा छ । उनी टिजरमा ओझेलमा छन् ।
टिजरले अपहरणबाट युवतीलाई मुक्त गराउन नायकले खलपात्रसँग गरेको संघर्षलाई कथावस्तुको रुपमा चित्रण गरिएजस्तो बुझ्न सकिन्छ । यद्यपि, फिल्मको कथासार यही हो भनेर संकेत गरिएको छैन ।
पटकथा सन्तोष सरकारले लेखेका हुन् भने छायाङ्कन महेश पौडेलको छ । सरस्वती भट्ट निर्माता रहेको फिल्म दशैंको अवसरमा ३० असोजदेखि देशब्यापी प्रदर्शन तयारीमा छ ।
यो फिल्मबाट अभिनेत्रीको रुपमा काफिया शाही र वर्षा इटनीले घरेलु फिल्ममा डेब्यू गरेका छन् । यी दुई पात्रलाई समेत टिजरमा छायाँमा राखिएको छ । फिल्ममा सुनील पोखरेल, कालु राना, खुसी कार्की लगायतको पनि अभिनय छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4