१४ असोज, सुर्खेत । रुकुम पश्चिमको बाँफिकोट गाउँपालिका–३ र ४ जोड्ने बालुवाचौरस्थित तिल्चाखोला सडक पुल निर्धारित समयभन्दा करिब नौ महिनाअघि नै निर्माण सम्पन्न भएको छ ।
पुल निर्माणका लागि २०८२ असार २० गते सम्झौता भएको थियो । सम्झौताअनुसार २०८४ असार २० गतेसम्म निर्माण सम्पन्न गर्नुपर्ने समयवधि थियो ।
तर, निर्माण कम्पनीले यही असोज ८ गते नै निर्माण सकेको पूर्वाधार विकास कार्यालय चौरजहारीका कार्यालय प्रमुख रामचन्द्र बीसीले बताए ।
उनका अनुसार पुल निर्माणको कुल लागत ८ करोड ६९ लाख २७ हजार ९२४ रुपैयाँ ९८ पैसा रहेको छ । पुल निर्माणको जिम्मा ज्वालामुखी/हिमशिखर हिरा जेभी, काठमाडौंले पाएको थियो ।
पुल निर्माण भएपछि बाँफिकोट गाउँपालिका–३ र ४ का बासिन्दालाई आवतजावत गर्न सहज हुने भएको छ ।
निर्माण सम्पन्न भएको पुलको बुधबार कर्णाली प्रदेशका भौतिक पूर्वाधार तथा सहरी विकासमन्त्री मिलन खड्का रोकाले उद्घाटन गरेका छन् । उनले समयअगावै काम सम्पन्न गरेकोमा निर्माण व्यवसायीलाई धन्यवाद दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4