यमनमा पछिल्लो समय बढेको तनावका कारण आन्तरिक रूपमा विस्थापित हुने मानिसको संख्या एक लाख ९८ हजार पुगेको त्यहाँको सरकारले जनाएको छ ।
यमनमा आन्तरिक रूपमा विस्थापित भएका मानिसका शिविर व्यवस्थापन इकाइका अनुसार बुधबारसम्म एक लाख ९७ हजार ९०६ जना आधिकारिक रूपमा दर्ता भएका छन् । उनीहरू २९ हजार ५१९ परिवारका सदस्य हुन् ।
इकाइले जारी सैन्य तनाव, प्रत्यक्ष गोलाबारी र बिग्रँदो सुरक्षा अवस्थाका कारण ‘बलपूर्वक विस्थापनका घटनाहरू थप गम्भीर बन्दै गएको’ जनाएको छ ।
यी अवस्थाले सर्वसाधारणको जीवन र सुरक्षामा गम्भीर खतरा उत्पन्न गरेको पनि इकाइको भनाइ छ ।
विस्थापितमध्ये सबैभन्दा धेरै ताइज प्रान्तमा छन् । त्यहाँ ९७ हजारभन्दा बढी मानिस विस्थापित भएका छन् ।
त्यसपछि लहज प्रान्तमा ५० हजारभन्दा बढी मानिस विस्थापित भएका छन् ।
यसअघि युनिसेफले सार्वजनिक गरेको तथ्यांकअनुसार यमनमा एक लाख ३४ हजार मानिस आन्तरिक रूपमा विस्थापित भएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4