१७ असोज, काठमाडौं । नेपाली चलचित्र ‘कालोपोथी’का निर्देशक मीनबहादुर भामले नेपाली कांग्रेसको १५औं महाधिवेशनमा सहमहामन्त्रीमा उम्मेदवारी दिने घोषणा गरेका छन् ।
मुगुबाट महाधिवेशन प्रतिनिधिमा निर्वाचित भएपछि निर्देशक भामले सहमहामन्त्रीमा उम्मेदवारी दिने घोषणा गरेका हुन् ।
उनले अनलाइनखबरसँग आफूले पिछडिएको क्षेत्रतर्फ सहमहामन्त्रीमा उम्मेदवारी दिने बताए । ‘सहमहामन्त्रीको तयारीमा लागेको छु,’ भामले भने, ‘पिछडिएको क्षेत्रबाट मेरो उम्मेदवारी रहन्छ ।’
भामले पार्टीको सूचना तथा सञ्चार विभागको केन्द्रीय समितिमा रहेर काम गरिसकेका छन् । प्रतिनिधिसभा निर्वाचन २०७९ मा कांग्रेसले भामको नाम समानुपातिकतर्फ बन्दसूचीमा राखेको थियो ।
उनले नेपाल विद्यार्थी संघ (नेविसंघ)को समिति र विभिन्न इकाईमा रहेर पनि काम गरेका छन् । भामले २०५४ देखि २०५६ सम्म नेविसंघ मुगुको सचिव भएर काम गरेका थिए ।
निर्देशक भाम फिल्मका एसोसिएट प्रोफेसर समेत हुन् । भेनिसमा प्रिमियर भएको चलचित्र ‘कालोपोथी’ पछि भामले अन्तर्राष्ट्रिय प्रसिद्धि हासिल गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4