२०८३ असोज २३ गते २१:४३ 
News Summary
Generated by OK AI. Editorially reviewed.- मन्त्रीपरिषद् बैठकले एसियाडमा कांस्य पदक जित्ने खेलाडी र प्रशिक्षकलाई नगद पुरस्कार दिने निर्णय गरेको छ।
- नियमावलीअनुसार व्यक्तिगततर्फ कांस्य जित्नेले १३ लाख र समूहगत टिमका प्रत्येक खेलाडीले ३ लाख ९० हजार पाउने व्यवस्था छ।
- तर छनोट चरण पार गरेर पदक जितेकालाई मात्र नियम लागू हुने भएकाले तेन्जिङ शेर्पाले ६ लाख ५० हजार र कबड्डी खेलाडीले १ लाख ९५ हजार पाउनेछन्।
- तेन्जिङका प्रशिक्षक कुशल श्रेष्ठले १ लाख ३० हजार र व्यवस्थापक युवराज लामाले ६५ हजार मात्र पाउनेछन्।
- कबड्डी टिमकी मुख्य प्रशिक्षक पार्वती राईले १ लाख ३० हजार तथा सहायक प्रशिक्षक लोक बहादुर विष्ट र व्यवस्थापक शरद दर्शनाधारीले ६५ हजार पाउनेछन्।
२३ असोज, काठमाडौं । जापानको आइची-नागोयामा भएको २०औं एसियन गेम्स (एसियाड) मा नेपालका लागि कांस्य पदक जितेका कराते खेलाडी तेन्जिङ शेर्पा र महिला कबड्डी टिमका खेलाडी, प्रशिक्षक र व्यवस्थापकले खेलकुद विकास नियमावली अन्तर्गत नगद पुरस्कार प्राप्त गर्ने व्यवस्था छ ।
शुक्रबारको मन्त्रीपरिषद बैठकबाट कांस्य पदक जितेका खेलाडी र प्रशिक्षकहरुलाई नगद पुरस्कार प्रदान गर्ने निर्णय गर्यो । बुधबार बसेको राष्ट्रिय खेलकुद परिषद (राखेप) को कार्यकारी समितिको ७०औं बैठकले सिफारिस गरेको आधारमा सरकारले नगद पुरस्कार दिने निर्णय गरेको हो ।
तर पदक विजेता खेलाडीहरुले खेलकुद विकास नियमावलीमा उल्लेख भएको भन्दा आधा मात्र पुरस्कार पाउने भएका छन् । खेलकुद विकास नियमावलीअनुसार एसियन गेम्सको व्यक्तिगततर्फ कांस्य पदक जित्ने खेलाडीले १३ लाख रुपैयाँ पाउने उल्लेख छ । यस्तै समूहगत खेलतर्फ कांस्य पदक जित्ने टिमका हरेक खेलाडीले ३ लाख ९० हजार पुरस्कार पाउने व्यवस्था छ ।
तर यो नियम छनोट चरण पार गरेर एसियन गेम्समा पदक जितेका खेलाडीका हकमा मात्र लागु हुने कुरा पनि खेलकुद विकास नियमावलीमा उल्लेख छ ।
त्यसैले अब तेन्जिङले ६ लाख ५० हजार र कबड्डी टिमका खेलाडीले १ लाख ९५ हजार मात्र प्राप्त गर्नेछन् ।
यस्तै कराते खेलाडी तेन्जिङका प्रशिक्षक कुशल श्रेष्ठले पनि नियमावलीमा भएको भन्दा आधा १ लाख ३० हजार र व्यवस्थापक युवराज लामाले पनि आधा ६५ हजार मात्र पाउनेछन् ।
यसैगरी कबड्डी टिमकी मुख्य प्रशिक्षक पार्वती राईले पनि १ लाख ३० हजार पाउनेछिन् भने सहायक प्रशिक्षक लोक बहादुर विष्ट र व्यवसथ्पक शरद दर्शनाधारीले समान ६५ हजार पाउनेछन् ।
प्रतिक्रिया 4