२९ असोज, काठमाडौं । नेपाल रेडक्रस सोसाइटीले रसुवा र भोटेकोशी क्षेत्रमा बाढीबाट प्रभावित परिवारका लागि एक हजार अस्थायी आवास र एक हजार स्थायी घर निर्माण गर्ने भएको छ ।
नेपाल रेडक्रस सोसाइटीका केन्द्रीय तदर्थ समितिका अध्यक्ष विशालकुमार भण्डारीका अनुसार आवास निर्माणका लागि बिहीबार पूर्वाधार विकास मन्त्रालयअन्तर्गतको भवन विभागसँग सम्झौता भएको हो ।
सम्झौताअनुसार घर गुमाएका करिब पाँच हजार लाभग्राहीलाई भाडा सहायता उपलब्ध गराउने सहमति पनि भएको भण्डारीले बताए ।
‘बाढीबाट प्रभावित परिवारलाई लक्षित गरेर एक हजार अस्थायी आवास र एक हजार स्थायी घर निर्माण गर्ने गरी मन्त्रालयसँग सम्झौता गरेका छौँ,’ उनले भने, ‘घर बगाएका करिब पाँच हजार लाभग्राहीलाई भाडा सहायता उपलब्ध गराउने सहमति पनि भएको छ ।’
भण्डारीका अनुसार दशैँलगत्तै कार्ययोजना तयार गरिनेछ । सरकारले आवश्यक जग्गा उपलब्ध गराएपछि अस्थायी आवास र स्थायी घर निर्माणको काम अघि बढाइने उनले बताए ।
‘यो सहमति तत्काल कार्यान्वयनमा जानेछ । दशैँलगत्तै कार्ययोजना बनाएर सरकारले आवश्यक जग्गा उपलब्ध गराउनासाथ आवास निर्माण अघि बढाउँछौँ,’ उनले भने ।
सम्झौताअनुसार आवास निर्माणको नेतृत्व भवन विभागले गर्नेछ । बाढीबाट घर गुमाएका परिवारलाई अस्थायी बसोबास, स्थायी आवास निर्माण र भाडा सहायतामार्फत राहत उपलब्ध गराउने लक्ष्य राखिएको छ ।
सम्झौतामा भवन विभाग र नेपाल रेडक्रस सोसाइटीका प्रतिनिधिले हस्ताक्षर गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4