गहनाका ग्राहक र व्यवसायी जोड्ने जेजे लाइट

News Summary

Generated by OK AI. Editorially reviewed.

मात्रिका टेक्नोलोजिजले नेपाली सुनचाँदी तथा गहना व्यवसायका लागि जेजे लाइट सार्वजनिक गरेको छ।
कम्पनीले कारोबार, लेखा व्यवस्थापन, कालिगढको हिसाब र ग्राहक सेवासम्मका काम एउटै प्रणालीबाट व्यवस्थापन हुने जनाएको छ।
जेजे लाइटमा बिक्री, खरिद, स्टक, कागजात र एनएफआरएसमा आधारित लेखा व्यवस्थापनका सुविधा छन्।

३० असोज, काठमाडौं । आईटी कम्पनी मात्रिका टेक्नोलोजिजले गहनाका ग्राहक र व्यवासायीलाई प्लेटफर्म जेजे लाइट सार्वजनिक गरेको छ । नेपाली सुनचाँदी तथा गहना व्यवसायलाई आधुनिक प्रविधिसँग जोड्दै कारोबार, लेखा व्यवस्थापन, कालिगढको हिसाब र ग्राहक सेवासम्मका कामलाई एउटै प्रणालीबाट व्यवस्थित गर्ने उद्देश्यले जेजे लाइट सार्वजनिक गरेको जनाएको छ ।

गहना व्यवसाय विस्तार हुँदै जाँदा बिक्री तथा खरिदको विवरण, स्टक, कालिगढको हिसाब, लेखा व्यवस्थापन, ग्राहक सम्बन्ध र व्यावसायिक कागजातलाई व्यवस्थित राख्न सजिलो हुने गरी जेजे लाइट बनाइएको कम्पनीले जनाएको छ ।

जेजे लाइटमा बिक्री तथा बिलिङ, खरिद व्यवस्थापन, स्टक विवरण, कालिगढ व्यवस्थापन, ग्राहक सम्बन्ध व्यवस्थापन, कागजात व्यवस्थापन र एनएफआरएसमा आधारित लेखा व्यवस्थापन जस्ता सुविधाहरू छन्।

यसमार्फत ग्राहकले नियमित रूपमा रकम जम्मा गर्दै सुनचाँदी बचत गर्ने अवसर पनि पाउने कम्पनीले जनाएको छ ।