News Summary
Generated by OK AI. Editorially reviewed.- सिरहाको गोलबजार नगरपालिका–१ र ३ जोड्ने गोला मुक्सार–लालपुर सडक कालोपत्रे योजनाको बजेट एक करोडबाट ३० लाख कटौती भएर ७० लाखमा झरेको छ।
- पूर्वाधार विकास कार्यालय सिरहाले उपलब्ध ७० लाख रुपैयाँभित्र रहेर लागत अनुमान तयार गरी दुई साताभित्र टेन्डर प्रक्रिया अघि बढाउने तयारी गरेको छ।
- सडक कालोपत्रे भएपछि गोलबजार नगरपालिका–१ र ३ का बासिन्दाको आवागमन सहज हुने र स्थानीय व्यापारिक गतिविधिमा सहयोग पुग्ने अपेक्षा गरिएको छ।
८ कात्तिक, सिरहा । सिरहाको गोलबजार नगरपालिका–१ र ३ लाई जोड्ने गोला मुक्सार–लालपुर सडक कालोपत्रे योजनाको बजेट ३० लाख रुपैयाँ कटौती भएको छ ।
मधेश प्रदेश सरकारको भौतिक पूर्वाधार मन्त्रालयले आर्थिक वर्ष २०८३/०८४ का लागि विनियोजन गरेको एक करोड रुपैयाँमध्ये ३० लाख कटौती भएपछि अब ७० लाख रुपैयाँको लागतमा टेन्डर प्रक्रिया अघि बढाइने भएको छ ।
पूर्वाधार विकास कार्यालय सिरहाका प्रमुख इन्जिनियर रामदेव खर्गा यादवले स्थलगत अवलोकन तथा स्थानीयवासीसँग छलफलपछि योजनाका लागि ७० लाख रुपैयाँ मात्र उपलब्ध भएको जानकारी दिएका छन् ।
यादवका अनुसार अन्य कार्यक्रमका लागि बजेट कटौती गरिएकाले उपलब्ध रकमको सीमाभित्र रहेर सडक निर्माणको काम अघि बढाइनेछ । त्यसका लागि लागत अनुमान (स्टिमेट) तयार गरी टेन्डर आह्वान गर्ने तयारी भइरहेको उनले बताए ।
कात्तिक महिनामा बिदा पनि धेरै भएकाले सकेसम्म सिरहाका सबै योजनाको स्थलगत अवलोकन गरी आगामी दुई साताभित्र टेन्डर प्रक्रियामा जाने तयारीमा रहेको यादवले बताए ।
गोला मुक्सारदेखि लालपुरसम्मको सडकको स्थलगत अवलोकन सम्पन्न गरेर अब उपलब्ध बजेटअनुसार निर्माण गर्न सकिने कामको लागत अनुमान तयार गरी टेन्डर प्रक्रिया अघि बढाइनेछ ।
सडक कालोपत्रे भएपछि गोलबजार नगरपालिका–१ र ३ का बासिन्दाको आवागमन सहज हुनुका साथै स्थानीय व्यापारिक गतिविधिमा समेत सहयोग पुग्ने अपेक्षा गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4