News Summary
Generated by OK AI. Editorially reviewed.- संसदीय सुनुवाइ समितिले सर्वोच्च अदालतका लागि प्रस्तावित चार न्यायाधीशविरुद्ध शुक्रबार र शनिबार सुनुवाइ गर्ने कार्यतालिका पारित गरेको छ।
- शुक्रबार डा. रत्नबहादुर वाग्चन्द र चन्द्रबहादुर सारूको सुनुवाइ हुने तथा शनिबार जनक पाण्डे र गोकर्ण डाँगीको सुनुवाइ हुने समितिले जनाएको छ।
- डा. रत्नबहादुर वाग्चन्दविरुद्ध ५, चन्द्रबहादुर सारूविरुद्ध ६, जनक पाण्डेविरुद्ध १० र गोकर्ण डाँगीविरुद्ध ७ वटा उजुरी परेको बोध नारायण श्रेष्ठले बताए।
१९ कात्तिक, काठमाडौं । संसदीय सुनुवाइ समितिले सर्वोच्च अदालतका लागि प्रस्तावित चार न्यायाधीशविरुद्ध शुक्रबार र शनिबार संसदीय सुनुवाइ गर्ने भएको छ ।
सिंहदरबारमा बिहीबार बसेको समिति बैठकले प्रस्तावित न्यायाधीशबिरुद्ध संसदीय सुनुवाईका लागि समिति सचिवालयले तयार पारेको कार्यतालिका पारित गरेको हो ।
जसअनुसार शुक्रबार उजुरीकर्तासंग छलफलका साथै प्रस्तावित न्यायाधीशद्वय डा रत्नबहादुर वाग्चन्द र चन्द्रबहादुर सारूको सुुनुवाइ गरिने समितिले जनाएको छ ।
त्यस्तै शनिबार जनक पाण्डे र गोकर्ण डाँगीको संसदीय सुनुवाई हुने समिति सभापति बोध नारायण श्रेष्ठले जानकारी दिए ।
उनले डा. रत्नबहादुर बागचन्दको विरुद्धमा ५ वटा उजुरी, चन्द्रबहादुर सारूको विरुद्धमा ६ वटा उजुरी, जनक पाण्डेको विरुद्धमा १० वटा र गोकर्ण डाँगीको विरुद्धमा ७ वटा उजुरीहरू परेको बताए । जसमा ५ जनाले सबैविरुद्ध उजुरी दिएका छन् ।
बैठकमा प्रस्तावित न्यायाधीशबिरुद्ध परेका उजुरीहरू अध्ययनका लागि समिति सदस्यहरूलाई वितरण गरिएको थियो । असोज २० गते बसेको न्याय परिषद्को बैठकले सर्वोच्चको न्यायाधीशमा नियुक्तिका लागि सिफारिस गरेको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4