News Summary
Generated by OK AI. Editorially reviewed.- नेपाली कांग्रेसले भोटेकोशी-त्रिशूली बाढीपहिरोबाट प्रभावित रसुवा, धादिङ र नुवाकोटका नागरिकका लागि न्यानो कपडा र मानसिक स्वास्थ्य परामर्श अभियान चलाउने निर्णय गरेको छ।
- ललितपुरस्थित केन्द्रीय कार्यालयमा बुधबार बसेको बैठकले बाढीपीडितको पुनर्स्थापना, राहत वितरण र सार्वजनिक सेवा प्रवाहबारे विभिन्न निर्णय गरेको छ।
- कांग्रेसले छठ पर्वलगत्तै प्रभावित गाउँ र बस्तीमा गएर अवलोकन तथा अन्तरक्रिया गर्ने निर्णय गरेको छ।
२० कात्तिक, काठमाडौं । नेपाली कांग्रेसले भोटेकोशी-त्रिशूली बाढी पहिरोबाट प्रभावित रसुवा, धादिङ र नुवाकोटका नागरिकको सहयोगार्थ न्यानो कपडा र मानसिक स्वास्थ्य परामर्श अभियान सञ्चालन गर्ने निर्णय गरेको छ।
ललितपुरको बी.पी. नगरस्थित केन्द्रीय कार्यालयमा बुधबार पार्टी सभापति गगन थापाको उपस्थितिमा बसेको बैठकले बाढीपीडितको पुनर्स्थापना, राहत वितरण र सार्वजनिक सेवा प्रवाहका सम्बन्धमा विभिन्न निर्णय गरेको हो। बैठकमा पार्टीका पदाधिकारी, संसदीय दलका नेता, प्रभावित क्षेत्रका केन्द्रीय सदस्य, संघीय सांसद, जिल्ला सभापति र स्थानीय जनप्रतिनिधिहरूको सहभागिता रहेको थियो।
कांग्रेस सह-महामन्त्री प्रकाश रसाइली (स्नेही) द्वारा जारी विज्ञप्तिअनुसार, गत भदौ १० गतेको आकस्मिक बाढी र पहिरोबाट प्रभावितहरूको पछिल्लो अवस्था, पुनर्निर्माण र राहत वितरणको अवस्थाबारे बैठकमा विस्तृत छलफल गरिएको थियो।
प्राकृतिक विपत्तिबाट प्रभावित नागरिकका समस्याप्रति पार्टी गम्भीर र संवेदनशील रहेको बताउँदै कांग्रेसले सरकारलाई पुनर्निर्माण र पुनर्स्थापनाको काम प्रभावकारी बनाउन निरन्तर खबरदारी गर्ने जनाएको छ। यसका साथै, पार्टीका तर्फबाट समेत आवश्यक सहकार्य र सहयोगलाई अघि बढाउने प्रतिबद्धता व्यक्त गरिएको छ।
बैठकले छठ पर्वलगत्तै रसुवा, धादिङ र नुवाकोटका प्रभावित गाउँ तथा बस्तीमा गएर अवलोकन तथा अन्तरक्रिया गर्ने निर्णय गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4