२५ कात्तिक, नुवाकोट । तिहार मैझारोसँगै आएको झरी रोकिएपछि उत्तरी हिमशृङ्खला खुलेका छन् । भाइटीका सकिँदै गर्दा बुधबार दिउँसो परेको झरीले मौसम नुहाएपछि नुवाकोटबाट माछापुच्छ्रेदेखि जुगल हिमाल खुलस्त देखिए ।
एकैछिनको झरी रोकिएपछि घाम लाग्दा घमाइलो तिहार अनुभूति समेत दियो ।
मौसम खुलेसँगै नुवाकोटका ककनी, शिवपुरी र बेलकोटगढीको बाघखोरबाट सेताम्मे हिमालका सुन्दर दृश्य हेर्नलायक थिए । नेपालका हिमालहरूसँगै चीनको केरुङसम्मका हिमदृश्य यहाँबाट अवलोकन गर्न सकिन्छ ।
नुवाकोटबाट नेपालका जुगल हिमाल, गणेश हिमाल, हिमालचुली, लाङटाङका साथै ८ हजार १ सय ५६ मिटर अग्लो मनास्लु र माछापुच्छ्रेसम्म हेर्न सकिन्छ ।
यस अतिरिक्त काठमाडौं उपत्यकाबाट पनि हेर्न सकिने दोर्जे लाक्पा, फुर्बी ग्याल्त्सो र गौरीशंकरजस्ता हिमाल पनि नुवाकोटबाट प्रस्टै देखिन्छन् ।
यस्तै तिब्बततर्फ पर्ने विश्वको १४औं अग्लो (८ हजार २७ मिटर) आशापुरी हिमाल पनि यहाँबाट हेर्न सकिन्छ ।
दसैँपछि तुँवालोले मौसम धुमिल बनाएपछि केही दिन हिमाल देख्न पाइएको थिएन । तर, भाइटीकाको दिन परेको झरीले तिहारको बिदाइलाई रोमाञ्चक बनाएको छ ।
तस्वीरहरू : रामहरि गजुरेल/अनलाइनखबर
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4