भोटेकोशीमा लाइसेन्सविनै र्‍याफ्टिङ : उपत्यका पर्यटन कार्यालय

८ जेठ, काठमाडौं । सिन्धुपाल्चोकको भोटेकोशीमा रिभर गाइडहरुले लाइसेन्सविनै जलयात्रा (र्‍याफ्टिङ) गराउने गरेको पाइएको छ ।

बागमती प्रदेश, संस्कृति तथा पर्यटन मन्त्रालय मातहतको उपत्यका पर्यटन कार्यालयले २४ वैशाखमा गरेको अनुगमनका क्रममा यस्तो भेटिएको कार्यालयले जनाएको छ ।

कार्यालयले र्‍याफ्टिङ एशोसिएसन खफ नेपाल (नारा)लाई पत्र लेख्दै लाइसेन्स नलिएका गाइडबाट जलयात्रा चलाउनु असुरक्षित हुने भन्दै नियमानुसार लाइसेन्स प्राप्त रिभरडाइडबाट मात्र जलयात्रा सञ्चालन गर्न गराउन ध्यानाकर्षण गराएको छ । थोरै मात्र सुरक्षा असावधानीबाट पनि यात्रुको ज्यान जोखिममा पर्न सक्ने भन्दै कार्यालयले सचेत गराएको हो ।

नाराले समेत आफू मातहतका सदस्य कम्पनीहरुलाई लाइसेन्स नलिएका रिभर गाइडबाट र्‍याफ्टिङ नगराउन सचेत गराएको छ ।