२०७९ भदौ २७ गते ९:३९ 
२७ भदौ, काठमाडौं । बहराइनमा भइरहेको एएफसी यू-२० एसियन कप छनोट अन्तर्गत समूह बी को आफ्नो दोस्रो खेलमा नेपालले आज कतारसँग प्रतिस्पर्धा गर्दैछ ।
शेख अलि बिन मोहमद अल खालिफा स्टेडियममा हुने नेपाल र कतारबीचको खेल नेपाली समयअनुसार राति ११:४५ बजे सुरु हुनेछ । छनोटमा कतारको यो पहिलो खेल हुनेछ ।
नेपाल भने पहिलो खेलमै भुटानसँग २-० ले पारजित भएको थियो । ढिला बहराइन पुग्नु र त्यहाँको मौसममा घुलमिल हुन समय लाग्दा नेपाल भुटानसँग पनि पराजित भएको थियो ।
कतारसँग खेल्दा नेपाल पहिलो अंकको खोजीमा हुनेछ ।
छनोटको समूह बी मा नेपाल र कतारसँग आयोजक बहराइन, भुटान र बंगलादेश छन् ।
नेपालले बहराइनसँग बिहीबार तेस्रो खेल र बंगलादेशसँग आइतबार अन्तिम खेल खेल्नेछ ।
समूह विजेता अर्को वर्ष उज्वेकिस्तानमा हुने एएफसी यु-२० एसियन कपमा छनोट हुनेछ ।
प्रतिक्रिया 4