२२ पुस, काठमाडौं । सर्वोच्च अदालतले भुटानी शरणार्थी प्रकरणमा मुछिएका प्रतीक थापालाई थुनामा पठाउनुको कारण पेश गर्न उच्च अदालत पाटनका नाममा आदेश जारी गरेको छ ।
प्रतीक थापा नेकपा एमालेका उपाध्यक्ष एवं पूर्वगृहमन्त्री रामबहादुर थापा बादलका छोरा हुन् ।
सर्वोच्च अदालतका न्यायाधीश सपना प्रधान मल्लको सोमबारको इजलासले प्रतीक थापाले पेश गरेको निवेदनमा सुनुवाई गर्दै कैफियत प्रतिवेदन मगाउने आदेश गरेको हो ।
कुनै आरोपितलाई थुनामा राख्ने, धरौटीमा छाड्ने वा सामान्य तारिखमा छाड्ने भनी आधार र कारण खुलाइएको प्रतिवेदनलाई कैफियत प्रतिवेदन भनिन्छ ।
प्रतिवेदन पेश भएपछि सर्वोच्च अदालतले उनलाई थुनामा पठाउने उच्च अदालतको आदेश उचित थियो वा थिएन भन्ने परिक्षण गर्नेछ ।
नेपाली नागरिकलाई नक्कली भुटानी शरणार्थी बनाएर अमेरिका पठाउने ठगी धन्दामा संलग्नताको आरोपमा उनी थुनामा छन् ।
थापालाई गत असारमा जिल्ला अदालत काठमाडौंका न्यायाधीश सकुन्तला कार्कीको इजलासले नक्कली भुटानी शरणार्थी प्रकरणमा संलग्नता नरहेको भन्न नसकिने भन्दै थुनामा रहेर मुद्दा पुर्पक्ष गर्न पाउने आदेश गरेको थियो । त्यसपछि उनी उच्च अदालत गएका थिए भने उच्चले पनि जिल्लाकै आदेश सदर गरेको थियो ।
लेखकको बारेमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4