+
+

बेलायतका राजकुमारले सन् २०२५ को पहिलो विदेश भ्रमण नेपालबाट सुरु गर्दै

बेलायतका राजकुमार एडवर्डले सन् २०२५ को पहिलो विदेश भ्रमण नेपालबाट गर्ने भएका छन् ।

अनलाइनखबर अनलाइनखबर
२०८१ माघ १ गते १४:०६
Photo Credit : Getty Images

१ माघ, काठमाडौं । बेलायतका राजकुमार एडवर्डले सन् २०२५ को पहिलो विदेश भ्रमण नेपालबाट गर्ने भएका छन् । उनी पत्नी सोफीसहित पारिवारिक भ्रमणका लागि २२ माघ (४ फेब्रुअरी) मा नेपाल आउन लागेका हुन् ।

शाही परिवारको आधिकारिक वेबसाइटमा उनीहरूले नेपाल भ्रमण गर्ने उल्लेख छ । तर भ्रमणको विस्तृत तालिका भने सार्वजनिक भएको छैन ।

उनीहरू एसियाली देशको भ्रमणमा निस्किँदै छन् । यसैक्रममा भ्रमणको सुरुवात नेपालबाट हुन लागेको हो ।

यसअघि राजकुमार एडवर्ड र सोफीले २०२४ को अक्टुबरमा माल्टा भ्रमण गरेका थिए ।

यसअघि २०७२ सालमा बेलायतका राजकुमार ह्यारी नेपाल भ्रमणमा आएका थिए । उनले बर्दिया, लमजुङ र पोखरा भ्रमण गरेका थिए ।

सन् १८५२ मा तत्कालीन प्रधानमन्त्री जंगबहादुर राणाबाट बेलायत–नेपाल भ्रमण सुरु भएको थियो । बेलायतकी महारानी एलिजाबेथले सन् १९६१ र १९८६ मा दुई पटक नेपाल भ्रमण गरेकी थिइन् । यसैगरी तत्कालीन राजकुमार चार्ल्स, युवराज्ञी डायना र राजकुमार फिलिपले पनि नेपालको भ्रमण गरेका थिए ।

अहिले नेपाल भ्रमणमा आउन लागेका प्रिन्स एडवर्ड, बेलायतकी महारानी एलिजाबेथ द्वितीया र प्रिन्स फिलिपका कान्छो सन्तान हुन् । उनी अहिले बेलायतको राजगद्दीको उत्तराधिकारीमा १४ औं स्थानमा छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?