२०८१ माघ २६ गते ८:१६ 
२६ माघ, काठमाडौं । २४औं आहारारा पोखरा गोल्डकपअन्तर्गत क्वाटरफाइनलका खेलहरू शनिबारदेखि सुरू हुँदैछ ।
पहिलो क्वाटरफाइनलमा विभागीय टोली नेपाल पुलिस क्लब र ब्रिगेड ब्वाइज क्लब युकेबीच प्रतिस्पर्धा हुँदैछ । खेल पोखरा रंगशालमा दिउँसो २:३० बजे सुरु हुनेछ ।
पुलिसले उद्घाटन खेलमै आयोजक सहारा क्लब पोखरालाई १-० ले पराजित गर्दै क्वाटरफाइनलमा स्थान बनाएको थियो । ब्रिगेड ब्वाइज क्लब युके भने बाई पाउँदै सिधै क्वाटरफाइनल खेल्न लागेको हो ।
पुलिसले मनाङ मर्स्याङ्दी क्लबसँगै समान सर्वाधिक ६ पटक आहारारा पोखरा गोल्डकपको उपाधि जितेको छ । तर पछिल्लो समय पुलिसको टिममा नयाँ र युवा खेलाडी हुँदा फरक टिम रहेको छ ।
पुलिसले पछिल्लो पटक २०७४ सालमा आहारारा पोखरा गोल्डकपको उपाधि जितेको थियो भने २०७६ मा पछिल्लो पटक फाइनल खेलेको थियो ।
प्रतिक्रिया 4