२०८१ माघ २७ गते ७:३४ 
२७ माघ, काठमाडौं । स्पेनिस लालिगा फुटबलअन्तर्गत गएराति भएको मड्रिड डर्बी बराबरीमा सकिएको छ । रियल मड्रिड र एट्लेटिको मड्रिडले १-१ गोलको बराबरी खेलेका हुन् ।
रियलको मैदान सान्टियागो बर्नबाउमा भएको खेलमा पाहुना टोलीले अग्रता लिएको थियो भने रियलले बराबरी गोल फर्काउँदै हार टारेको हो । एट्लेटिकोका जुलियन अल्भारेजले १ गोल गर्दा रियलका लागि किलियन एमबापेले गोल गरे ।
खेलको ३५औं मिनेटमा अल्भारेजले पेनाल्टीमार्फत गोल गर्दै एट्लेटिकोलाई खेलमा अग्रता दिलाएका थिए । ५०औं मिनेटमा एमाबापेले गोल गर्दै खेल बराबरीमा ल्याए ।
त्यसपछि थप गोल भएनन् र मड्रिड डर्बी १-१ को बराबरीमा सकिएको हो । यस बराबरीले एट्लेटिको शीर्षस्थानमा उक्लने मौका गुमाएको छ ।
२३ खेलबाट रियलको ५० र एट्लेटिको ४९ अंक छ । एक खेल कम खेलेको बार्सिलोना ४५ अंकसहित तेस्रो स्थानमा छ ।
प्रतिक्रिया 4