२८ माघ, काठमाडौं । सरकारले अर्थ सचिवमा घनश्याम उपाध्यायलाई ल्याएको छ । प्रधानमन्त्रीनिवास बालुवाटारमा सोमबार बेलुका बसेको मन्त्रिपरिषद् बैठकले उपाध्यायलाई अर्थ मन्त्रालयमा सरुवा गर्ने निर्णय गरेको हो ।
अख्तियार दुरुपयोग अनुसन्धान आयोगको सचिवमा कार्यरत रहेका उपाध्यायलाई सरकारले अर्थसचिवमा सरुवा गरेको एक मन्त्रीले जानकारी दिए ।
अर्थ मन्त्रालयका सचिव रामप्रसाद घिमिरेको राष्ट्रपति कार्यालयमा सरुवा भएको छ । राष्ट्रपतिको कार्यालयका सचिव नारायणप्रसाद शर्मा दुवाडीलाई अख्तियार दुरुपयोग अनुसन्धान आयोगको सचिवमा सरुवा गरेको छ ।
अख्तियार दुरुपयोग अनुसन्धान आयोगमा सात महिनाअघि सरुवा भएका उपाध्याय त्यसअघि श्रम रोजगार तथा सामाजिक सुरक्षा मन्त्रालयमा सचिव थिए । त्यहाँ चार महिना जिम्मेवारी सम्हालेपछि अख्तियारमा सरुवा भएको थियो ।
त्यसअघि उपाध्यायले सहसचिव हुँदा कर्णाली प्रदेशको आर्थिक मामिला तथा योजना मन्त्रालयको सचिव भएर काम गरेका थिए भने बागमती प्रदेशको प्रमुख सचिवको भूमिका निभाएका थिए । उनले ललितपुर र काठमाडौंको प्रमुख जिल्ला अधिकारीको जिम्मेवारी पनि सम्हालेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4