२०८१ फागुन १ गते १३:२१ 
१ फागुन, पोखरा । नेपाल भुतपुर्व खेलाडी मञ्चको आयोजनामा हुने १९औं सफल पोखरा म्याराथन फागुन ३ गते हुने भएको छ। पोखरामा बिहीबार पत्रकार सम्मेलनमार्फत आयोजकले प्रतियोगिताको बारेमा जानकारी गराएको हो।
पोखरालाई दौड संस्कृतिको विकास गरी स्वस्थ्य र मानसिक रुपमा नागरिकहरुलाई सचेतना प्रदान गर्न उद्देश्यका साथ हुन लागेको यस म्याराथनमा विभिन्न १४ वटा विधाहरू हुनेछ।
यसपटक पहिलेभन्दा धावकको संख्या पनि बढेको छ । यस संस्करणमा पुरूषतर्फ २१ देशका ८० जना विदेशीसहित १५० जना सहभागी हुनेछन् भने ८ जना महिलाको पनि सहभागिता रहनेछ।
यस्तै हाफ म्याराथनमा महिला १० देशका ४० जना, हाफ म्याराथन पुरूषतर्फ १० विदेशीसहित ११० जना सहभागी हुनेछन्। त्यस्तै रन फर फनमा करिब ७ हजार सहभागी हुनेछन् ।
प्रथम हुनेले ५ लाख, दोस्रोले ३ लाख, तेस्रोले २ लाख र सान्त्वना स्वरूप चौथोदेखि ८ जनासम्मलाई ३० देखि १० हजार प्रदान गर्ने आयोजकले जनाएको छ।
प्रतिक्रिया 4