३ फागुन, मोरङ । सरकारको नेतृत्व गरिरहेको दल नेकपा एमालेका महासचिव शंकर पोखरेलले संघीय संसद्मा सरकारले पेश गरेका सबै अध्यादेश राजनीतिक दलहरूसँगको सहमतिमै पारित हुने बताएका छन् ।
मुख्यतः देशको अर्थतन्त्रमा उत्पन्न समस्या समाधान गर्न सरकारले अध्यादेश ल्याएको चर्चा गर्दै उनले सबैको सहमतिमै अध्यादेशहरू पारित हुने बताएका हुन् ।
विराटनगर विमानस्थलमा शनिबार सञ्चारकर्मीहरूसँग कुरा गर्दै महासचिव पोखरेलले सदनको बैठक नबसेको अवस्था भएकाले बाध्यतावश सरकारले अध्यादेश ल्याएको जिकिर गरे ।
‘मुलुकको अर्थतन्त्रमा उत्पन्न समस्या समाधान गर्न केही कानुनी जटिलता फुकाउनै पर्ने थियो । यस्तै, अन्य राष्ट्रिय विषयहरूलाई पनि सम्बोधन गर्नै पर्ने बाध्यता थियो । तर, सदन चलेको थिएन,’ उनले भने, ‘त्यसैले बाध्यतावश सरकारले अध्यादेश ल्याएको हो । समृद्धि सबैको चाहना भएकाले अब सबैको सहमतिमा ती अध्यादेश सदनबाट पारित हुन्छन् ।’
महासचिव पोखरेलले अध्यादेश पारित गर्ने विषयमा सरकारले गम्भीर छलफल गरिरहेको पनि बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4