२०८१ फागुन ३ गते १७:२४ 
३ फागुन, काठमाडौं । आयोजक लोयल्टी एकेडेमी ‘बी’ १३औं लोयल्टी कप अन्तरविद्यालय छात्र फुटबल प्रतियोगितामा शनिबार क्वाटरफाइलनमा प्रवेश गरेको छ ।
एकताबस्तीस्थित घरेलु मैदानमा लोयल्टी ‘बी’ ले रिलायन्स इन्टरनेसनल स्कुललाई २–० तथा जगत मन्दिरलाई १–० गोलले पराजित गर्दै समूह ‘डी’को विजेता बन्यो । क्वाटरफाइनलमा लोयल्टी ‘बी’ को भेट होली गार्डेनसंग हुनेछ ।
समूह चरणको अन्य खेलमा हिमालयन बोर्डिङ स्कुलले त्रिज्योतिलाई २–० तथा दुईपटकको उपाधि विजेता लिटिल एन्जल्सले होली गार्डेनलाई ४–१, लोयल्टी ‘सी’ लाई ६–० र फेरिल्यन्ड इन्टरनेसनल स्कुललाई ७–० गोलले पाखा लगाए ।
त्यस्तै, जगत मन्दिरले रिलायन्सलाई २–१ तथा होली गार्डेनले लोयल्टी ‘सी’ लाई ४–० गोलले पन्छाए । फेरिल्यान्डले लोयल्टी ‘सी’ संग गोलरहित तथा होली गार्डेनसँग १–१ गको बराबरी खेल्यो ।
यससँगै आइतबार हुने क्वाटरफाइनल समीकरण पूरा भएको छ । बाँकीका ३ क्वाटरफाइनलमा चेल्सी वल्र्ड स्कुले गेट्वे एकेडेमी, इस्टपोलले हिमालयन र लिटिल एन्जल्सले जगत मन्दिर विरुद्ध खेल्ने छन् । आइतबारै सेमिफाइनल पनि हुनेछ ।
प्रतिक्रिया 4