१२ फागुन, काठमाडौं । महाशिवरात्रि पर्व आउन २ दिन बाँकी रहँदा पशुपतिनाथ मन्दिरमा जोगी र साधुसन्तहरुको चहलपहल बढेको छ । महाशिवरात्रि पर्वका लागि विभिन्न स्थानबाट साधुसन्त पशुपतिनाथ मन्दिर परिसरमा आउने क्रम जारी छ ।
सोमबार बेलुकासम्म साधुसन्त पशुपति क्षेत्रमा आउनेक्रम जारी रहेको पशुपति क्षेत्र विकास कोषले जनाएको छ ।
साधुसन्त र जोगीबाबाहरुको क्रियाकलापले धेरैको ध्यान खिच्ने गर्दछ । त्यसैले साधुसन्त बसेको ठाउँमा पनि दर्शनार्थीहरुको सहभागीता उल्लेख्य हुने गरेको छ ।
सरकारले सार्वजनिक स्थानमा धूमपान र मद्यपान निषेध गरेको छ भने पशुपति क्षेत्र विकास कोषले पाशुपत क्षेत्रमा गाँजा, भाङलगायतका नशालु पदार्थ सेवन तथा बिक्री वितरण गर्न रोक लगाएको छ ।
शिवरात्रि पर्व मनाउन पशुपति आएका साधुसन्त तथा जोगी बाबाहरुलाई भोजनसहित धुनीको व्यवस्था मिलाइएको छ । पशुपति क्षेत्रका गोरखनाथ, राममन्दिर, निर्मल र भष्मेश्वर अखडामा भोजन र धुनीको व्यवस्था मिलाइएको साधुसन्त तथा धार्मिक कार्यक्रम व्यवस्था उपसमितिका संयोजक डा. भरतप्रसाद बडालले जानकारी दिए ।
हेर्नुहोस् तस्वीहरू :
लेखकको बारेमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4