१३ फागुन, बुटवल । उद्योग–व्यवसाय चिनारीका लागि घर र पसलमा राखिएका साइन बोर्डको कर अव्यावहारिक भएको भन्दै कर नउठाउन बुटवलका चार व्यावसायिक संस्थाले माग गरेका छन् ।
रुपन्देही व्यापार संघ, बुटवल उद्योग वाणिज्य संघ, उद्योग व्यापार संघ बुटवल र रुपन्देही उद्योग संघले बुटवल उपमहानगरपालिकासँग यस्तो माग गरेका हुन् ।
उपमहानगरका प्रमुख प्रशासकीय अधिकृत मित्रमणि खनाललाई ५ बुँदे ज्ञापनपत्र बुझाउँदै व्यसायीहरूले कर उठाउने नाममा निजी कम्पनीको ज्यादति तत्काल रोक्न माग गरेका हुन् ।
बुटवल उपमहानगरले गणेश एन्ड सन्स कन्स्ट्रक्सन (बुटवल–१३) लाई ठेक्का दिएर साइनबोर्ड कर उठाइरहेको छ ।
कोभिड महामारीको असर र आर्थिक मन्दीको मारमा मुलुक गुज्रिरहेको विषम परिस्थितिमा व्यवसायीमाथि दोहोरो, तेहोरो कर, चर्को घर भाडा र बहाल करले व्यवसायी पलायन हुने अवस्थामा साइनबोर्ड राखेको समेत कर असुल्नु गलत भएको व्यावसायीक संस्थाहरुको भनाइ छ ।
प्रमुख प्रशासकीय अधिकृत खनालले उपमहानगरले ऐन कानुन अनुसार नै कर उठाइएको भन्दै ठेकेदार कम्पनीबाट भएको व्यवहारबारे व्यवसायीसँग छलफल गर्न सकिने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4