१४ फागुन, प्यूठान । ४३औं मगर एकता दिवसको अवसरमा फागुन १५ गते प्यूठानका पाँच गाउँपालिकाले सार्वजनिक बिदा दिने निर्णय गरेका छन् ।
जिल्लाको सरुमारानी, मल्लरानी, ऐरावती, र गौमुखी गाउँपालिकाले मगर संस्कृतिप्रति सम्मान जनाउँदै बिदा दिएका हुन् ।
सरुमारानी गाउँपालिकाका प्रमुख प्रशासकीय अधिकृत देविराम पाठकका अनुसार मगर एकता दिवसलाई हर्षोल्लासका साथ मनाउन बिदा दिइएको हो ।
ऐरावती गाउँपालिकाका अध्यक्ष नविल विक्रम शाहले मगर समुदायको सांस्कृतिक पहिचानलाई सम्मान गर्न यो निर्णय गरिएको बताए ।
यस अवसरमा गाउँपालिका, वडा कार्यालय, शैक्षिक संस्था, र स्वास्थ्य संस्थाहरू बन्द रहनेछन् । प्यूठानका मगर बाहुल्य क्षेत्रमा सांस्कृतिक झाँकी, परम्परागत नृत्य, तथा विविध कार्यक्रमहरू आयोजना हुँदैछन्। मगर समुदायले मौलिक परम्परा झल्काउने विविध कार्यक्रम गरी दिवस मनाउने तयारी गरेका छन् ।
गुल्मीमा पनि ७ स्थानीय तहले मगर एकता दिवसको अवसरमा बिदा दिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4