२०८१ फागुन १८ गते १५:५८ 
१८ फागुन, काठमाडौं । विश्वकप विजेता इटालियन लेजेन्ड गोलकिपर जियालुजी बुफोनले जारी केपी ओली कपको विजेता को बन्ला भन्ने कुराले आफू उत्साहित रहेको बताएका छन् ।
बुफोन आजै नेपाल आइपुगेका हुन् ।
राष्ट्रिय युवा संघ नेपालको आयोजनामा भइरहेको तेस्रो संस्करणको केपी ओली कप फुटबलको फाइनलमा चिफ गेस्टको रुपमा सहभागी हुन उनी नेपाल आएका हुन् ।
‘मेरो लागि यहाँ आउनु ड्रिम कम ट्रयू हो । आयोजकलाई धन्यवाद भन्न चाहन्छु,’ आइतबार सञ्चारकर्मीसँग उनले भने, ‘म केपी ओली कप कसले जित्ला भनेर एकदमै उत्साहित छु ।’
साथै, उनले नेपालको झण्डा देख्दा आफूलाई अनौठो लागेको प्रतिक्रिया पनि दिए ।
‘नेपाल ईज वन्डरफुल कन्ट्री । नेपालको झण्डा देख्दा अनौठो लाग्यो । युनिक फ्ल्याग छ,’ उनले भनेका छन् ।
उनलाई सञ्चारकर्मीले फिटनेसको राज सोधेका थिए ।
जवाफमा उनले भनेका छन्, ‘मलाई थाहा छैन । म सधैँ मेरो कामलाई माया गर्छु । हरेक दिन उत्कृष्ट हुनका लागि फाइट गर्नुपर्छ सहज छैन ।’
बुफोनले फेरि नेपाल आउने आशा राखेका छन् ।
केपी ओली कपको फाइनल सोमबार दशरथ रंगशालामा हुनेछ । फाइनल खेलमा बुफोन प्रमुख अतिथिको रुपमा रहनेछन् । फाइनल खेल मच्छिन्द्र एफसी र त्रिभुवन आर्मी एफसीको बीचमा हुनेछ ।
प्रतिक्रिया 4