१८ फागुन, काठमाडौं । विशेष अदालतले बीमा प्राधिकरणका निवर्तमान अध्यक्ष सूर्य सिलवाललाई भ्रष्टाचारको आरोपबाट सफाइ दिएको छ । भ्रष्टाचारको आरोपपछि निलम्बनमा परेका उनले सफाइ पाएपछि निलम्बन पनि फुकुवा हुन्छ ।
यस्तो अवस्थामा उनले फेरि बीमा प्राधिकरणको अध्यक्ष पदमा बहाल हुन पाउँछन् भनी कतिपयको जिज्ञासा छ । अर्कोतर्फ, केही दिन अघिमात्रै शरद ओझा बीमा प्राधिकरणको अध्यक्षमा नियुक्त भएका थिए । त्यसैले पनि अब एउटा पदमा दुवैजनाले दाबी गर्न मिल्ने अवस्था हुन्थ्यो ।
तर, विशेष अदालतबाट सफाइ पाएका सिलवालले गत १९ माघमा आफ्नो पदावधि सकिएको बताए ।
‘२४ मंसिरमा ममाथि मुद्दा चलेको थियो, १९ माघमा चार वर्षको पदावधि पूरा भएकाले मैले अवकाश पाउथेँ,’ उनले भने, ‘अब त मेरो पदावधि नै सकिएको छ ।’
१९ माघ २०७७ मा सिलवाल बीमा समितिको अध्यक्षमा नियुक्त भएका थिए । बीमा समितिका अध्यक्षको पदावधि चार वर्षको हुन्थ्यो । बीमा समिति रुपान्तरित भएर बीमा प्राधिकरण भएपछि उनी अध्यक्ष पदमै निरन्तर थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4