२०८१ फागुन २१ गते १८:३३ 
२१ फागुन, काठमाडौं । आईसीसी च्याम्पियन्स ट्रफी क्रिकेटको दोस्रो सेमिफाइनलमा बुधबार दक्षिण अफ्रिका र न्युजिल्याण्ड खेल्दै छन् । लाहोरमा टस जितेर पहिले ब्याटिङ गरेको न्युजिल्याण्डले बलियो योगफल खडा गरेको छ ।
न्युजिल्याण्डले ५० ओभरमा ६ विकेट गुमाएर ३६२ रन बनाएको हो । न्युजिल्याण्डका लागि रचिन रविन्द्र र केन विलियमसनले शतकीय पारी खेले । रचिनले १०८ तथा विलियमसनले १०२ रन बनाए । डारिल मिचेल र ग्लेन फिलिप्सले समान ४९ रन बनाए ।
दक्षिण अफ्रिकाका लागि लुंगी एङ्गिडीले १० ओभरमा ७२ रन दिएर ३ विकेट लिए । कगिसो रबाडाले १० ओभरमा ७० रन दिएर २ विकेट लिए । वियान मुल्डरले १ विकेट लिए ।
यस खेलको विजेताले आउँदो आइतबार दुबईमा हुने फाइनलमा भारतसँग खेल्ने छ ।
प्रतिक्रिया 4