२०८१ फागुन २६ गते १२:५५ 
२६ फागुन, काठमाडौं । लुम्बिनी प्रदेशमा जारी प्रधानमन्त्री कप पुरूष राष्ट्रिय क्रिकेट प्रतियोगितामा आज पनि तीन खेलहरू भइरहेका छन् ।
भैरहवास्थित एक्स्ट्राटेक ओभल मैदानमा नेपाल पुलिस क्लब र लुम्बिनी प्रदेशबीचको खेल भइरहेको छ । पुलिसले लुम्बिनीलाई २५० रनको लक्ष्य दिएको छ ।
टस जितेर पहिले ब्याटिङ गरेको पुलिसले ५० ओभरमा ६ विकेट गुमाएर २४९ रन बनायो । कुशल भुर्तेलले सर्वाधिक ५९ रन बनाए भने आरिफ शेखले ५६ रन बनाए ।
लुम्बिनीका लागि अजय चौहानले १० ओभरमा ३८ रन दिएर ३ विकेट लिए । कृष्ण कार्कीले ६ ओभरमा ४० रन दिएर ३ विकेट लिए ।
यसअघि लुम्बिनीले पहिलो खेलमा कोशी प्रदेशलाई हराएको थियो । पुलिस पहिलो खेल खेल्दैछ ।
प्रतिक्रिया 4