२०८१ फागुन २६ गते १२:०६ 
२६, फागनु, काठमाडौं । स्वास्थ्य तथा जनसङ्ख्या मन्त्रालयले कन्सल्टेन्ट नेफ्रोलोजिस्ट डा.सन्तोष क्षेत्रीलाई सेवाबाट हटाउने तयारी गरेको छ । मन्त्रालयले आज सूचना जारी गरी क्षेत्रीलाई दोस्रोपटक स्पष्टीकरण सोधेको छ ।
नवौँ तहका क्षेत्री गत साउन १८ गतेदेखि बिदा स्वीकृत नगराई कार्यालय अनुपस्थित रहेको मन्त्रालयले जनाएको छ । यही फागुन १० गते सूचना प्रकाशित गरी उनलाई पहिलो पटक स्पष्टीकरण सोधिएको थियो। स्पष्टीकरणका लागि ७
दिनको म्याद दिइएको थियो ।
फागुन १५ मा क्षेत्रीले बुझाएको स्पष्टीकरण चित्तबुझ्दो नभएको भन्दै मन्त्रालयले आज दोस्रो पटक सार्वजनिक सूचना जारी गरी स्पष्टीकरण सोधेको हो ।
स्वास्थ्य सेवा ऐन २०५३ को दफा ७४ उपदफा १ खण्ड (ज) को व्यवस्था बमोजिम सेवाबाट किन नहटाउने भन्दै १५ दिने स्पष्टीकरण सोधिएको छ ।
प्रतिक्रिया 4