काठमाडौं । गायक दुर्गेश थापाले बुढानिलकण्ठको चुनिखेलमा भएको कन्सर्ट दुर्घटनाका घाइतेलाई मंगलबार अस्पताल पुगेर भेटेका छन् । उनले प्रस्तुति दिइरहँदा बार भत्किएर च्यापिएपछि ४ जना दर्शक घाइते भएका थिए ।
जसमध्ये एकजनाको खुट्टा भाँचिएको थियो । मंगलबार बिहान त्रिवि शिक्षण अस्पताल पुगेर उनले घाइते भेटेर उनको उपचारमा पहल गर्ने र ३ महिनाको रासनपानी ब्यहोर्दिने प्रतिबद्धता जनाए ।
बझाङका ती घाइतेको ३ महिनाको रासनपानी र कोठा भाडा तिर्ने वचन दुर्गेशले दिए । अस्पतालको खर्च चाहिँ आयोजकलाई बोलाएर तिराउन लगाउने पहल गर्ने समेत बताएका छन् । घाइतेका छोराको ३ महिना विद्यालय शुल्क पनि दुर्गेशले तिरिदिने भएका छन् ।
‘आज म जे छु, सबै दर्शकको कारणले हो’ अनलाइनखबरसँग दुर्गेशले भने । केही दिनअघि चुनिखेलमा आयोजित कन्सर्टमा दुर्गेशले प्रस्तुति दिएका थिए । ठूलो भीडले बारलाई धक्का दिएपछि बार भत्किएको थियो । च्यापिएका ४ जना घाइते भएका थिए ।
दुर्गेशको पछिल्लो गीत ‘दुश्मन हेरेको हेर्यै’ युट्युब म्युजिकको ग्लोबल ट्रेन्डिङमा परेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4