६ चैत, काठमाडौं । स्वतन्त्र सांसद डा. अमरेशकुमार सिंहले आफूलाई स्वास्थ्य बीमाबारे केही पनि थाहा नभएको बताएका छन् ।
बुधबार प्रतिनिधिसभा बैठकमा बोल्ने क्रममा उनले यस्तो बताएका हुन् ।
उनले गाउँ–गाउँमा स्वास्थ्य बीमाको चेतना नभएको भन्दै राज्यले विभेद गरिरहेको आरोप लगाए ।
‘मेरो गाउँको चमार, मुसरिया, पहाडका चेपाङ जो कमजोर तप्काको छ । जो सहर पस्न सकेको छैन । उसको छोराछोरीले पढ्न पाएको छैन,’ सांसद साहले भने, ‘उसले स्वास्थ्य बीमाको लाभ कहिले पाउँछ ? यसको कुनै चेतना छैन । म एउटा पीएचडी गरेको सांसद हुँ, मलाई त थाहा छैन, स्वास्थ्य बीमा के हो ? भनेर । म सिधा कुरा बताउँछु ।’
उनले स्वास्थ्य बीमाबारे गाउँका कमजोर समुदायलाई केही थाहा नभएको जिकिर गर्दै सीमित वर्गमा मात्रै लाभ पुर्याउनेगरी राज्य लागेको आरोप लगाए ।
‘गाउँलेहरूलाई त्यो छैन । सीमित वर्गमा मात्रै राज्यले लाभ पुर्याउने कोसिस गर्यो भने त्यो टिक्दैन,’ उनले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4