२०८१ चैत १४ गते ६:५१ 
१४ चैत, काठमाडौं । क्विन्टन डिककले अविजित ९७ रन बनाएपछि कोलकाता नाइट राइडर्सले इन्डियन प्रिमियर लिग (आईपीएल) २०२५ मा पहिलो जित निकालेको छ ।
बुधबार भएको खेलमा कोलकाताले राजस्थान रोयल्सलाई ८ विकेटले हराएको हो । राजस्थानले दिएको १५२ रनको लक्ष्य कोलकाताले १७.३ ओभरमा २ विकेटको क्षतिमा पूरा गर्यो । ओपनर क्विन्टन डिककले अविजित रहँदै ९७ रन बनाए । उनले ६१ बलमा ८ चौका र ६ छक्का प्रहार गरे ।
अङक्रिश रघुवंशी २२ रनमा अविजित रहँदा कप्तान अजिन्क्या रहानेले १८ रन बनाए । राजस्थानका लागि वानिन्दु हसरंगाले १ विकेट लिए ।
त्यसअघि गुवाहाटीमा टस हारेर ब्याटिङको निम्तो पाएको राजस्थानले २० ओभरमा ९ विकेट गुमाएर १५१ रन बनाएको थियो । ध्रुव जुरेलले सर्वाधिक ३३ रन बनाए । यशश्वी जैसवालले २९ तथा कप्तान रियान परागले २५ रन बनाए ।
कोलकाताका लागि हर्शित राना, मोइन अली, वैभव अरोरा र वरुण चक्रवर्तीले २-२ तथा स्पेन्सर जोनसनले १ विकेट हात पारे ।
योसँगै २ खेलमा २ अंक जोडेको कोलकाता अंकतालिकामा छैटौं स्थानमा रहेको छ । राजस्थानको भने यो लगातार दोस्रो हार हो ।
प्रतिक्रिया 4