१५ चैत, काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले सरकार र आन्दोलनरत पक्षलाई संयमता अपाउन आग्रह गरेका छन् ।
अनलाइनखबरसँग कुरा गर्दै लिङ्देनले सबै प्रदर्शनलाई शान्तिपूर्ण बनाउनुपर्ने बताए । ‘जसले जे प्रयोजनमा हिंसालाई प्रयोग गरेपनि त्यसको विपक्षमा छ, राप्रपा,’ उनले भने, ‘म आजको घटनाप्रति दुःख व्यक्त गर्दछु ।’
दुवै पक्षले वार्ताको माध्यमलाई उपयोग गर्नुपर्ने लिङदेनको सुझाव छ । ‘सबै पक्षलाई संयमता अपनाउन र सम्वादको बाटोबाट समाधान गर्न अपिल गर्दछु,’ उनले भने, ‘मृतकप्रति श्रद्धाञ्जली र घाइतेहरूको स्वास्थ्यलाभको कामना गर्छु ।’
यद्यपि, राप्रपाकै नेताहरू रवीन्द्र मिश्र र धवलशमशेर राणाले भने यस्तै आन्दोलन नरोकिने चेतावनी दिइरहेका छन् । अध्यक्ष लिङदेनसँग फरक मत राख्दै आएका मिश्र र राणाले दुर्गा प्रसाईंको आन्दोलनलाई साथ दिंदै आएका छन् । आज पनि मिश्र र राणा प्रदर्शनमै थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4