२१ चैत, काठमाडौं । नेपाल सुपर लिग (एनएसएल) २०२५ मा झापा एफसी र काठमाडौं रेजर्स एफसीले बिहीबार गोलरहित बराबरी खेल्दै अंक बाँडेका छन् ।
त्रिपुरेश्वरस्थित दशरथ रंगशालामा भएको यो खेल नीरस रह्यो । खेलमा दुवै टिमले पाएका अवसर सदुपयोग गर्न नसक्दा गोलको खडेरी तोडिन सकेन ।
दुवै टिमको यो लगातार दोस्रो बराबरी हो । अझ, झापाले त लगातार दुई खेलमा गोल गर्न सकेन ।
झापाले यसअघि बुटवल लुम्बिनीसँग गोलरहित बराबरी खेलेको थियो । काठमाडौंले भने साविक विजेता ललितपुरसँग २–२ को पुनरागमन बराबरी खेलेको थियो ।
बराबरीपछि दुवैको दुई खेलबाट समान २ अंक भएको छ ।
दुवै टिमले पाएका अवसर सदुपयोग गर्न सकेनन् भने दुवैको एक–एक प्रहार बारमा लाग्यो । काठमाडौंका जिलेस्पीजंग कार्की र बुया टुरेले पनि गोल गर्ने राम्रो अवसर गुमायो ।
खेलको छैटौं मिनेटमै काठमाडौंका अमादोउ डिओपको प्रहार बारमा लागेर फर्किएको थियो । यस्तै, इन्जुरी टाइममा झापाका आरोन थापाको प्रहारमा पनि बार बाधक बन्यो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4