काठमाडौं । प्रदीप खड्का स्टारर फिल्म ‘पिताम्बर’ले नयाँवर्षको दिन सोमबार देशभर उत्साहजनक ब्यापार गरेको छ । सकारात्मक ‘वर्ड अफ माउथ’ बटुलेको फिल्मका सोमबारीय शो अधिकांश हाउसफूल रहे ।
शुक्रबारदेखि रिलिज भएको फिल्मले नयाँवर्षको बिदामा उल्लेख्य कमाइ गरेको देखिएको छ । आधिकारिक आँकडा त आइसकेको छैन, यद्यपि फिल्मले घरेलु बक्सअफिसमा न्यूनतम एक करोडभन्दा धेरै ब्यापार गरेको छ ।
यो एक्सनप्रधान फिल्म हेर्न सोमबार काठमाडौंसहित प्रमुख सहरका मल्टिप्लेक्स हलमा दर्शकीय उपस्थिती खचाखच रह्यो । काठमाडौंको क्यूएफएक्ससहित बालाजुको अष्टनारायण हलमा दर्शकको बाक्लो भीड देखियो । अष्टनारायण हलबाट प्राप्त भिडियो र फोटोमा दर्शकको ठूलो भीड देखिन्छ ।
सोमबार अष्टनारायण हल भिजिटमा पुगेको ‘पिताम्बर’को टिमलाई दर्शकले घेरेका थिए । जहाँ, कलाकारले दर्शकसँग फोटो खिचाए । धेरैपछि प्रदीप खड्का, सौगात मल्ल स्टारर फिल्मले दर्शकको लोभलाग्दो साथ पाएको हो । कृषा चौलागाईं निर्देशित फिल्मको कथावस्तु र एक्सन पक्षलाई दर्शकले रुचाएका छन् ।
यो मल्टिस्टारर फिल्मले शनिबार र सोमबार दर्शकको उल्लेख्य साथ पायो । विशाल चौलागाईंले निर्माण गरेको फिल्मको शीर्ष भूमिकामा प्रदीप छन् भने दयाहाङ राई, अनुपविक्रम शाही, दिब्यदेव पन्त, सुपुष्पा भट्ट, सुरक्षा पन्त, प्रमोद अग्रहरि लगायतले अभिनय गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4