२०८२ वैशाख २ गते २०:१५ 
२ वैशाख, काठमाडौं । पोखरा थण्डर्स नेपाल सुपर लिग (एनएसएल) २०२५ को प्लेअफ पुग्ने तेस्रो टिम बनेको छ ।
त्रिपुरेश्वरस्थित दशरथ रंगशालमा मंगलबार भएको आफ्नो अन्तिम लिग खेलमा बुटवल लुम्बिनीलाई २–० ले पराजित गर्दै पोखरा प्लेअफमा पुगेको हो । पोखरालाई जित दिलाउन आयुष घालन र बीएस्सी विलियमले गोल गरे ।
दुवै टिमको लिगको अन्तिम खेल थियो । पोखरालाई प्लेअफ पुग्न जित आवश्यक थियो भने यसअघि नै बाहिरिसकेको बुटवल कम्तीमा एक जित निकाल्न चाहन्थ्यो ।
तर पोखराले राम्रो प्रदर्शन गर्दै खेलको नतिजा आफ्नो पक्षमा पारेको हो ।
खेलको दशौँ मिनेटमै आयुष घलानले गोल गर्दै पोखरालाई अग्रता दिलाएका थिए ।
त्यसपछि पनि पोखराले अग्रता बढाउने अवसर पाएपनि सदपयोग गर्न सकेन । बुटवलले पनि पहिलो हाफमा बराबरी गर्ने अवसर पाउँदा फिनसिङ चुस्त रहेन ।
दोस्रो हाफमा पनि पोखराले एक गोल थप्यो । बीएस्सी विलियमले ५८औं मिनेटमा गोल गरे ।
पोखराको जितपछि झापा एफसी अन्तिम खेलअघि नै प्लेअफ होडबाट बाहिरिएको छ । यस्तै ६ खेल नै खेलिसकको काठमाडौं रेजर्सले भने अब प्लेअफ पुग्नका लागि चितवन र धनगढीबीच हुने अन्तिम खेलको नतिजा कुर्नुपर्नेछ ।
चितवन र धनगढीबीच लिगकै अन्तिम खेल बिहीबार हुनेछ । चितवनका लागि पनि प्लेअफ पुग्न उक्त खेल जित्नैपर्ने अवस्था बनेको छ ।
पोखराले अब एलिमिनेटर खेल्नेछ ।
प्रतिक्रिया 4