२०८२ वैशाख ५ गते २०:०० 
५ वैशाख, काठमाडौं। ब्राजिलियन विश्वकप विजेता रोबर्टो कार्लोस बैशाख ९ गते नेपाल आउने भएका छन् ।
उनी नेपाल सुपर लिग एनएसएल २०२५ को दोस्रो क्वालिफायर हेर्न नेपाल आउन लागेका हुन् ।
यसअघि बैशाख ६ गते हुने पहिलो क्वालिफायर हेर्न आउने तय थियो । तर स्वास्थ्यका कारण उनी तोकिएको समयमा आउन नसकेको र दोस्रो क्वालिफायरमा नेपालआउने भएका हुन्।
एनएसएलको आयोजक एनएसइएमले शुक्रबार रोबर्टो कार्लोसको भिडियो सार्वजनिक गर्दै उनी अप्रिल २२ (बैशाख ९ गते) नेपाल आउने र बैशाख १० गते हुने दोस्रो क्वालिफायर हेर्ने जनाएको छ ।
भिडियोमा रोबर्टो कार्लोसले आफूले नेपाल भ्रमण रद्द नगरेको र डक्टरको सल्लाहमा केही दिन आराम चाहिएकोले पोस्टपोन्ड गरेको बताएका छन् ।
उनी एनएसएलको अवसर पारेर दुई दिनका लागि नेपाल भ्रमण आउन लागेका हुन् ।
प्रतिक्रिया 4