७ वैशाख, काठमाडौं । स्टान्डर्ड चार्टर्ड बैंकको खुद नाफा ११ प्रतिशत घटेको छ । बैंकले सार्वजनिक गरेको चालु आर्थिक वर्षको तेस्रो त्रैमासिक अपरिस्कृत वित्तीय विवरण अनुसार नाफा घटेको हो ।
साउनदेखि चैत मसान्तसम्म बैंकले २ अर्ब १७ करोड रुपैयाँ खुद नाफा कमाएको छ । अघिल्लो वर्षको सोही अवधिमा यस्तो नाफा २ अर्ब ४४ करोड रुपैयाँ थियो । बैंकको नाफासँगै प्रतिसेयर आम्दानी घटेको छ । पहिले ३४.६० रुपैयाँ रहेको वार्षिक प्रतिसेयर आम्दानी अहिले २८.८६ रुपैयाँमा झरेको छ ।
खुद ब्याज आम्दानी सामान्य घट्दा नाफामा असर परेको छ । समीक्षा अवधिमा बैंकको खुद ब्याज आम्दानी १७ प्रतिशत घटेको छ । बैंकको कुल वितरणयोग्य नाफा १ अर्ब ४७ करोड रुपैयाँ छ ।
बैंकको निष्क्रिय कर्जा समीक्षा अवधिमा २.१४ बाट घटेर १.४४ मा कायम भएको छ । बैंकको आधार दर जम्मा ५.०९ प्रतिशत छ । प्रतिसेयर नेटवर्थ २०८ रुपैयाँ रहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4